Sex hópar innan Sósíalistaflokksins með fasta fundi

Ritstjórn Frétt

á vetrarfundi sósíalista var ákveðið að fastsetja starf sex hópa sem starfa innan Sósíalistaflokksins með reglulegum fundum á miðvikudagskvöldum klukkan átta í Hlutverkasetrinu Borgartúni 1, 2. hæð.

Sósíalískir femínistar munu hittast á aðra hvora viku frá og með 22. janúar næstkomandi. Markmiðið er styrkja femínismann innan hinnar sósíalísku baráttu og styrkja sósíalismann innan hinnar femínsku baráttu. Ef þú hefur áhuga á að starfa með Sósíalískum femínistum ættirðu að skrá mætingu við viðburðinn á Facebook: Sósíalískir femínistar.

Stéttabaráttan – verkalýðsráð sósíalista munu einnig hittast frá og með 22. janúar næstkomandi. Markmið hópsins er að stuðla að endurreisn verkalýðshreyfingarinnar, byggja upp verkalýðsbaráttu með aukinni virkni og þátttöku almennra félaga og standa fyrir umræðu um framtíð verkalýðsbaráttunnar innan Sósíalistaflokksins, verkalýðshreyfingarinnar og í samfélaginu öllu. Ef þú hefur áhuga á að starfa með verkalýðsráði sósíalista ættirðu að skrá mætingu við viðburðinn á Facebook: Stéttabaráttan – verkalýðsráð sósíalista.

Ungir sósíalistar munu sömuleiðis frá og með 22. janúar næstkomandi. Markmiðið er að byggja upp hreyfingu ungra sósíalista, sem hafa mun mótandi áhrif á Sósíalistaflokk Íslands og samfélagið allt. Allir sósíalistar þrjátíu ára og yngri geta tekið þátt í starfi Ungra sósíalista. Ef þú hefur áhuga á að starfa með Ungum sósíalistum ættirðu að skrá mætingu við viðburðinn á Facebook: Ungir sósíalistar.

Meistaradeildin, hópur sósíalista 55 ára og eldri, munu hittast á miðvikudagskvöldum frá og með 29. janúar næstkomandi. Markmiðið er að styrkja hagsmunabaráttu bæði eftirlaunafólks og fólks á seinna hluta starfsferilsins. Meistaradeildin starfa innan Sósíalistaflokks Íslands en fundir hópsins eru opnir öllum sem vilja leggja baráttunni lið. Ef þú hefur áhuga á að starfa með Meistaradeildinni ættirðu að skrá mætingu við viðburðinn á Facebook: Meistaradeildin.

Öryrkjaráð sósíalista mun hittast frá og með 29. janúar næstkomandi. Markmiðið ráðsins er að styrkja hagsmunabaráttu öryrkja, gæta hagsmuna þeirra innan Sósíalistaflokksins og auðga réttlætisbaráttu öryrkja í samfélaginu. Ef þú hefur áhuga á að starfa með Öryrkjaráðinu ættirðu að skrá mætingu við viðburðinn á Facebook: Öryrkjaráð sósíalista

Innflytjendaráð sósíalista mun hittast frá og með 29. janúar næstkomandi. Markmið ráðsins er að styrkja hagsmunabaráttu innflytjenda, yfirfara stefnu og aðgerðir Sósíalistaflokksins út frá sjónarhóli innflytjenda, gæta hagsmuna þeirra innan flokksins og auðga réttlætisbaráttu innflytjenda í samfélaginu. Ef þú hefur áhuga á að starfa með Innflytjendaráðinu ættirðu að skrá mætingu við viðburðinn á Facebook: Innflytjendaráð sósíalista.

Veldu þá hópa sem þú vilt helst starfa innan. Mundu, að þú ert byltingin, þú getur breytt samfélaginu með því að taka þátt í skipulögðu starfi, hagsmuna- og réttlætisbaráttu.

Byltingin verður ekki án þín!

Taktu þátt og dreifðu erindi sósíalisa sem víðast.

Deila á Facebook

Halda áfram