Sósíalistar um allt land þurfa vettvang til að tengjast, ræða og efla baráttuna. Þess vegna höfum við stofnað Sósíalistaspjallið – nýjan umræðuhóp á Facebook sem ætlað er skráðum félögum Sósíalistaflokks Íslands. Þessi vettvangur er til fyrir okkur – til að byggja upp flokkinn okkar, efla tengslin á milli félagsmanna og tryggja að allir geti haft rödd í þróun og starfsemi flokksins.

Hópnum er ætlað að:

Miðla fréttum og upplýsingum úr starfi flokksins.

Ræða pólitík og framtíðarsýn Sósíalista á Íslandi,

Taka þátt í mótun skipulags og stefnu flokksins.

Kynna félaga innbyrðis og virkja nýja.

Öruggt og uppbyggilegt samtal

Við viljum skapa jákvæða umræðumenningu – þar sem allir félagar geta tjáð sig án ótta við niðrandi orðræðu.

Það er eðlilegt að vera ósammála – og nauðsynlegt fyrir heilbrigða hreyfingu. En við ræðum mál af virðingu, og með það að leiðarljósi að efla okkur í baráttunni og hlusta hvert á annað.

Skýrar reglur – lýðræðislegt ritstjórnarvald

Hópnum er ritstýrt af fimm manna spjallráði, sem stjórnir flokksins kjósa árlega. Ráðið ber ábyrgð á ritstýringunni og því að tryggja að umræðan samræmist tilgangi hópsins og reglum sem allir geta kynnt sér á:

sosialistaflokkurinn.is/reglugerdspjall