Á fyrri hluta aðalfundar Sósíalistaflokks Íslands, sem haldinn var á zoom vegna samkomubanns, var samþykkt að flytja lögheimili flokksins að Bolholti 6, 105 Reykjavík, þar sem verður í framtíðinni félagsmiðstöð flokksins, Maístjörnunnar og ýmissa félaga sem hún styrkir og styður.

Þá var samþykkt að árgjald flokksins fyrir 2019 verði það sama og fyrir 2018, 5 þús. kr. Árgjaldið er valkvætt, þeir félagar sem ekki geta greitt það halda öllum sínum félagsréttindum.

Á fundinum voru reikningar flokksins fyrir 2018 kynntir en starfið var rekið með 1,7 m.kr. afgangi það ár.